LTO BRANCHES KAG SATELLITE OFFICES GINDAGSA SANG MGA KLIYENTE

Share on facebook
Share on pinterest
Share on twitter
Share on print

Ginkumpirmar sang Land Transportation Office-(LTO)- 6 nga nagdinaguso ang mga kliyente nga nagpadulong sa tagsa ka mga branches kag satellite offices sang LTO sumugod nga nagbalik ang ila opisina.

Suno kay LTO-6 Spokesperson Riza Otayde, madamo sang wala magsunod sa patakaran nga ginpatuman sang LTO ilabi na ang pag-set sang appointment antis nga magpadulong sa natungdan nga LTO offices.

Isa sa mga gin-ehemplo ni Otayde ang natabo nga pagdinaguso sang mga kliyente sa LTO-Bacolod Branch sadtong Mayo 18, lunes nga adlaw.

Liwat nga nagpahanumdom si Otayde nga kinahanglan gid mag set sang appointment kag magkuha sang transaction number agud mahiboloan ang oras nga kinahanglan sini magpadulong sa opisina sang LTO.

Ginpaathag man ni Otayde nga renewal pa gid lamang sang mga nag-expired nga rehistro ang gina-cater sang LTO.

Kinahanglan man suno sa LTO nga magsunod sa mga health measure ang mga kliyente kaangay na lamang sang pagsuksok sang face masks kag mag-obserbar sang social distancing.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.