LTO BACOLOD LIWAT NGA GIN SIRA

Share on facebook
Share on google
Share on pinterest
Share on twitter
Share on print

Naga pabilin nga sirado ang operasyon sang LTO sa syudad sang Bacolod samtang wala pa nag gwa ang resulta sang swab test nga gin patigayon tinalikdan nga Agosto 24.

Suno kay LTO Bacolod District Office head Reuben Tampos, naga laum sya nga kon tani sini nga semana mapa gwa na ang resulta sang ila RT-PCR test kag wala lamang sang empleyado nga mag positibo.

Dugang pa ni Tampos, liwat nga maga patigayon sang disinfection ang ila talatapan sa palaabuton nga Biyernes bilang pagpanghanda enkaso nga madayon gid man ang pagbalik sang ila operasyon sa Setyembre Uno bilang tentative nga schedule.

Gin kalipay man sini ang report nga iya nabaton gikan sa iya kaupdanan nga mga opisyales sang nagkalain-lain nga mga departamento, bangud naga pabilin nga normal ang kondisyon sang ila mga personnel nga karon naga paidalum sa home quarantine.

Sa pihak nga bahin, gin klaro ni Tampos nga wala sang dapat kabalak-an ang mga tag-iya sang salakyan nga napaslawan sa pagpa renew sang ila registration ilabi na ang mga plaka nga naga tapos sa numero 6 ,7 kag 8 bangud ini ang extended tubtob sa Setyembre 30 nga wala sang ano man nga penalidad. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.