LTO BACOLOD GIN-DAGSA SANG MGA TAWO SUBONG NGA ADLAW

Share on facebook
Share on google
Share on pinterest
Share on twitter
Share on print

Gindagsa sang tawo ang opisina sang Land Transportation Office Bacolod City District office para magpa-renew sang lisensya kag magpa-rehistro.

Suno sa tagpamuno sang LTO Bacolod nga si Reuben Tampos, matapos ang duha ka bulan halin sang nag-untat ang ila operasyon tungod sang Covid-19 pandemic, liwat nga nagbukas ang ila opisina para sa publiko.

Sa pihak sang pagdagsa sang tawo, ginpahayag ni Tampos, hugot nga ginapatuman sang ila ahensya ang social distancing kag pagsuksuk sang face mask.

Ginpahayag man ni Tampos nga ila gina-prayoridad sa pagrenew sang ila mga salakyan ang may plate number nga nagatapos sa 3, 4, kag 5 ukon mga nag-expire nga salakyan sadtong bulan sang Marso, Abril kag Mayo.

Nagapanawagan si Tampos sa mga nagapanag-iya sang expired na nga salakyan nga magpakig angot sa LTO-online paagi sa pagtawag ukon pag-text sa numbero nga 0961 5592 082. | Aksyon Alvin Grava

MORE STORIES:

ANU ANG IMO MA KOMENTO?

error: Ooops... You are not authorized to copy this content.