LSIs NGA MAG-ASAWA SA BRGY. MANSILINGAN NGA NAG POSITIBO SA COVID-19, NAGA HOME QUARANTINE

Share on facebook
Share on google
Share on pinterest
Share on twitter
Share on print

Nag positibo sa Covid-19 ang mag-asawa nga residente sang isa ka subdivision sa Barangay Mansilingan, sa syudad sang Bacolod.

Sila ang parehas nga Locally Stranded Individuals nga gikan sa Pasay City kag nag abot sa Bacolod sadtong Hunyo 21.

Suno kay Dr. Grace Tan, spokesperson sang Bacolod IATF, ang mag-asawa ang kabahin sang 9 ka mga LSIs sa syudad nga nag positibo sadtong Domingo nga adlaw.

Base sa advisory sang syudad, ang lalaki ang naga edad 61 anyos kag siya si Patient No. 45 kag ang babaye ang 53 anyos kag siya si Patient 39.

Suno kay Kapitan Boy Pico sang Barangay Mansilingan, wala naka gwa ang mag asawa sa ila balay umpisa nga nag home quarantine ang mga ini kag tubtob nga nag gwa ang resulta nga positibo sila sa virus.

Dugang pa ni Pico, base sa ila monitoring, ang lalaki nga isa ka cancer patient kag ang iya asawa ang parehas nga asymptomatic ukon wala sang sintomas nga gina batyag.

Suno pa sa Kapitan, wala dapat sang kahangaw-an ang mga residente sang subdivision bangud istrikto nga nasunod sang mga pasyente ang home quarantine protocol.

Na-trace na sang otoridad ang duha ka mga persona nga may close contact sa mag-asawa lakip na ang isa ka lalaki nga nag sugat sa ila sa quarantine facility. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.