LSI KAG PANDAY NGA WALA SANG TRAVEL HISTORY SA BRGY BANAGO NAG POSITIBO SA COVID-19

Share on facebook
Share on google
Share on pinterest
Share on twitter
Share on print
(Barangay Banago Photo)

Ginpaidalom sa lockdown ang 14 ka mga balay sa Barangay Banago syudad sang Bacolod matapos nagpositibo ang isa ka senior citizen nga napatay tinalikdan nga adlaw kag isa ka locally stranded individual (LSI) nga lalaki.

Sa interview sang Aksyon Radyo Bacolod kay Barangay Kapitan Ricky Mijares, ginpahayag sini nga Sabado sang aga sang ginpahibalo siya sang Bacolod City Health Office (CHO) nga nagpositibo ang isa ka 60 anyos nga panday kag ang 22 anyos nga LSI.

Ang panday ang una nga nagbatyag sang hilanat kag nagpalanakit ang lawas kag gindala sa ospital apang napatay sang Mierkoles, Hulyo 15.

Wala sang close contact sa COVID-19 positive ukon travel history ang napatay.

Ang bangkay sang napatay ang gilayon nga gin-cremate.

(Barangay Banago Photo)

Dugang pa ni Mijares, onse ka mga balay ang ginlockdown sa Purok Mahimulaton Zone 5, Barangay Banago. Ginlockdwon man ang tatlo ka mga panimalay sa Purok Riverside Zone 3 sa amo nga barangay matapos nagpositibo ang isa ka LSI nga nagpaidalom sa home quarantine kag nasaylo na karon sa facility quarantine, upod ang tatlo niya ka himata.

Ang nagpositibo gikan sa Metro Manila kag nagpauli sa syudad sadtong Hulyo 13. Nagpasiguro naman si Mijares nga suportahan sang barangay ang pagkaon sang mga apektado sa lockdown.

Nagpahanumdom naman si Mijares sa mga pumuluyo sa Barangay Banago nga temporaryo likawan ang pagpadulong sa lugar kag maghalong.

Sini nga hapon natalana nga magpadulong sa lugar ang Bacolod CHO kag ginalauman nga ipaidalom sa swab test ang mga pumuluyo nga nasakop sang lockdown. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.