LOTTO RESULTS- SEPTEMBER 7, 2020

LALAKI GINBUNO SANG BABAYI SA MOISES PADILLA, PATAY!

Patay ang 48 anyos nga lalaki matapos ginbuno sang isa ka babayi las 8:30 sang gab I, martes sa Sitio Loblob, Barangay Magallon Cadre, banwa sang Moises Padilla.

Ginkilala ang napatay sa kay Rene Lusaran kag ginkilala naman ang suspetsado sa kay Marlyn Bargayo, 49 anyos.

Sa pagpangusisa ni Moises Padilla PNP Commander Police Captain Randy Babor, gin alegar nga nakaino ang biktima kag ginhaboy sang bato ang balay sang suspetsado.

Tungod sini, naggwa si Bargayo nga may dala sang kutsilyo apang hinali na lamang siya ginhakos ni Lusaran rason nagpanginpadlos kag nabuno ang biktima.

Boluntaryo naman nga nagsungka sa kapulisan si Bargayo matapos mahimo ang krimen kag sa karon priso sa Custodial facility sang Moises Padila PNP.