COMELEC BACOLOD NAGAHULAT SANG APPROVAL SANG EOC PARA SA MALL VOTER REGISTRATION

Share on facebook
Share on pinterest
Share on twitter
Share on print

Ginahulat sang Comelec Bacolod ang approval sang Emergency Operations Center (EOC) sa syudad sa pagpatigayon sang voter registration sa duha ka mall sa Bacolod.

Suno kay Bacolod Elections Officer Atty. Kathrina Trinio-Caña, sa tion nga may yara na sang approval, ang mall registration ang patigayunon sa SM Bacolod kag City Mall Mandalagan sa adlaw sang Sabado.

Ginklaro ni Caña, nga indi ini simultaneous kundi depende sa gintalana nila nga petsa.

Tuyo sang mall registration nga mas madamo nga mga tawo ang ma akomodar nga maka parehistro kasunod nga indi pa karon makapatigayon sang satellite registration sa mga Barangay nga may Covid-19 cases.

Nakabaton man ang Comelec Bacolod sang duha ka pangabay nga magpatigayon sang satellite registration gikan sa Bacolod SK Federation para marehistro ang mga pamatan-on kag sa Barangay Alangilan.

Kahapon, Lunes sang nagsapol si SK Federation President kag Councilor Ayesha Joy Villaflor kay Caña.

Gin paathag ni Caña kay Villaflor ang mga requirements antes makapatigayon sang satellite registration lakip na dire nga Covid-19 free ang lugar sa tinalikdan nga 14 ka adlaw, aprubado sang Emergency Operations Center, kag Provincial Election Supervisor.

Ginpahayag man ni Caña, ila pagahulaton sa masunod nga mga inadlaw kon mapabilin sang Barangay Alangilan ang Covid-19 free nga estado nga yara na sa ikawalo nga adlaw.

Nagapabilin sa gihapon nga 200 ka mga walk in applicant kag 50 ka mga may appointment, nagabusong kag senior citizen ang ma akomodar sang Comelec Bacolod sa nagapadayon nga registration Lunes tubtob Biernes nga adlaw.

Sa Septembre 30 magatakop ang voter registration.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.