Nagapangatubang karon sang kaso paghupot sang ilegal nga armas ang 70 anyos nga lola matapos nakuhaan sang mga armas nga nagalupok kahapon sa Don Jesus Village Brgy., Canturay, syudad sang Sipalay.
Ang suspek ginkilala kay Noemi Espelita residente sang amo nga lugar.
Suno kay P/Maj James Latayon Jr, hepe sang Sipalay City Police Station, tuyo kon tani sang mga kapulisan nga iserbe ang search warrant sa puloy-an sang iya umagad nga si Mark Anthony Montilla matapos ginreklamo nga nagapamahog sa pila ka mga pumoloyo gamit ang pusil, apang pila lamang ka minuto, nangindulaan si Espeleta kag nagpalagyu dala ang sling bag nga may mga armas kag nagpadulong sa masiot nga lugar.
Tigayon nga nalagas sang mga kapulisan si Espeleta kag akto nga narekober sa iya ang isa ka (1) Caliber .380 Pistol nga may isa ka magazine, nakuha man sa iya ang isa ka cal. 38 revolver kag mga nanari-sari nga mga bala.
Si Espeleta ang priso karon sa Sipalay City costudial facility. | Aksyon Alvin Grava
