120 MIL KA PESOS NGA SHABU NAREKOBER SA BUY BUST OPERATION, SUSPETSADO NAKAPALAGYO!

Share on facebook
Share on google
Share on pinterest
Share on twitter
Share on print

Narekober sang mga kapulisan sang Bacolod City Police Office-City Drugs Enforcement Unit (BCPO-CDEU) ang ginabulubanta 120 mil pesos nga balor sang ginasuspetsuhan shabu sa buy bust operation nga ginpatigayon sa Purok Planeta, 5th Road, Fuentebella Subdivision, Brgy Taculing syudad sang Bacolod sini gid lamang nga gab-i.

Subject sang operasyon nakapalagyo nga ginkilala kay Reden Capablanca, 49 anyos sang amo man nga lugar.

Suno kay Insp. Adrian James Albaytar, Assistant Team Leader sang BCPO-CDEU, madugay na nga ginamonitor sang kapulisan si Capablanca apang sang ginpatigayon ang operasyon nakilal-an sini ang poseur buyer kag nagpalagyo paagi sa paglusot sa gamay nga pwertahan nga nahamtang sa likod sang iya puluy-an.

Pagpahayag pa ni Albaytar, si Capablanca ang utod sang anay pulis-Bacolod nga karon na-assign na sa iban nga lugar nga naangot man ang ngalan sa transakyon sang ilegal nga droga.

Nakuha sa puluy-an ni Capablanca ang duha ka bulto kag anom ka palaba nga sachet sang ginasuspetsuhan shabu kag kahita.

Apisar nga nakapalagyo si Capablanca, pasakaan ini sa gihapon sang kaso nga paglapas sa layi nga nagadumili sa pagbaligya kag paghupot sang ginadumilian nga droga.

MORE STORIES:

LIKE US ON FB

error: Ooops... You are not authorized to copy this content.