NAG PANGABAY si Senador JV Ejercito sa National Housing Authority nga padasigon ang pag-develop sang PNP-AFP housing project sa Barangay Felisa syudad sang Bacolod.
Ini kasunod nga nag site inspection si Ejercito, chairman sang committee on housing sa senado, upod sanday Mayor Evelio Leonardia, Congressman Greg Gasataya kag pila ka personnel sang National Housing Authority subong nga adlaw, Septembre 7.
Suno kay Susana Nonato, pamuno sang NHA PNP-AFP housing project, nga padayun sa gihapon nga gina proseso ang kuryente sa housing project.
Nag pangabay si Ejercito sa myembro sang Kadamay nga hulton nga mapasar ang layi nga naga himo sang Department of Housing agud mapatuman ang mga reporma sa housing program sang gobyerno.
Suno kay Ejercito, ang gobyerno ang may 60 mil ka housing unit sa bug-os nga Pilipinas kag 57 mil ang wala ma-okupar rason nga nag pasar sang resolusyon ang kongreso kag senado nga dapat ini ang ipanagtag sa mga KWALIPIKADO NGA BENEPISYARYO.
Naga salig naman si Ejercito nga sa idalum sang liderato ni NHA General Manager Marcelino Escalada Jr malikawan na ang pag usar sang substandard nga mga materyales sa mga housing unit.
