PLANO NGA PAGSAYLO SA MGA FLOWER VENDOR, GIN PAISOL

Share on facebook
Share on google
Share on pinterest
Share on twitter
Share on print
Ginpaisol sa maabot nga Domingo nga adlaw (Nobiembre 11) ang pagsaylo sang 18 ka mga flower vendors humalin sa Bacolod City Plaza pakadto sa dalan Ferrero sa likod sang Bays Center.
Suno kay Executive Assistant Ernesto Pineda, cluster head sang sectoral concern, boluntaryo nga magasaylo ang mga flower vendors kag dapat hawan na ang ila pwesto sa Bacolod City Plaza sa masunod nga semana.
Dugang pa ni Pineda, may ara na sang suga sa lugar samtang ginkasugtan naman nga sa Bacolod Bays Center sila magakuha sang tubig samtang ila ginaproseso ang ila application sa Bacolod City Water District.
Ginpahayag naman ni Glen Amar, presidente sang Bacolod Plaza Flower Vendors Association, nga ila na gin umpisahan ang pagdevelop sang ila nga pwesto.
Sa nahibaluan, ang pagpahalin sa Flower Vendors sa Plaza ang nagatuyo agud ma umpisahan ang pagpatahum sang plaza.*Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.