Ginpasakaan na sang kaso ang lima ka mga suspetsado sa likod sang multi-million rice investment scam sa syudad sang Bacolod.
Suno kay National Bureau of Investigation (NBI)- Bacolod Head Atty. Renoir Baldovino, apat ka mga tagreklamo ang nagpasaka sang reklamo sa Bacolod City Prosecutor’s Office sadtong Myerkules, Septembre 16.
Dugang pa ni Baldovino, naggwa sa maidid nga imbestigasyon sang NBI nga lima ka mga persona ang may kahilabtanan sa amo nga scam tuhay sa una nga nagwa nga report nga tatlo lamang ka mga persona.
Bangud nga nagdangat sa lima ang mga suspetsado, kaso nga syndicated estafa ang ginpasaka sang mga otoridad
Ginpahayag ni Baldovino nga non-bailable gid ukon wala sang piyansa ang kaso nga syndicated estafa.
Ginkumpirmar man ni Baldovino nga may mga masunod nga tagreklamo ang natalana nga magpasaka sang nagakaigo nga kaso.
Ang mga dokumento sa pagpasaka sang kaso ang ginpadala pinaagi sa email bangud nga ginpaidalom sa lockdown ang Hall of Justice.
Naghatag naman sang receipt ang piskalya kag magatalana pa sang adlaw para makuha ang hard copy sang mga dokumento. | Aksyon John Diaz
