LIMA KA ANAY OPISYAL SANG NHA, GUILTY SA KASO NGA GRAFT

Share on facebook
Share on google
Share on pinterest
Share on twitter
Share on print

Ginpamatbatan nga guilty ang lima ka mga anay opisyal sang National Housing Authority ukon NHA sa kaso nga graft may kaangtanan sa isa ka housing project sa Barangay Pahanocoy, syudad sang Bacolod sadtong 1992.

Base sa desisyon sang Sandiganbayan second division nga napost sa ila nga website sang Enero 9, sanday Josephine Angsico, anay pamuno sang NHA-Visayas management, Virgilio Dacalos, NHA-Visayas Manager, Felisimo Lazarte Jr., provincial director, Josephine Espinosa, project management officer kag Noel Lobrido, supervising engineer, ang nakit-an nga guilty sa pagbayolar sang section 3(e) sang R.A 3019 ukon Anti-Graft and Corrupt Practices Act.

Ang desisyon sang korte ang pirmado ni Associate Justice Lorifel Pahimna. Base sa desisyon sang Sandiganbayan, ang mga respondent ang pagasentensyahan sang tubtob 10 ka tuig nga pagkapriso kag ‘perpetually disqualified from holding public office’.

Suno sa Sandiganbayan, napamatud-an sang prosecution panel sang Ombudsman nga ginpasakaan sang mga anay opisyal ang balayran sa Pahanocoy housing project sa 1.28 million pesos, nga ang proyekto ang nagabalor lamang sang kapin 330 mil pesos.

Suno pa sa Sandiganbayan, napaslawan ang mga akusado nga maghatag sang credible, logical, kag truthful explanation sa pagpasaka sang balayran.

MORE STORIES:

LIKE US ON FB

error: Ooops... You are not authorized to copy this content.