LIGA PRESIDENT MEDENCELLES SA ISABELA NAG TALIWAN BANGUD SA BALATIAN

Share on facebook
Share on google
Share on pinterest
Share on twitter
Share on print

Nagtaliwan sa balatian ang presidente sang Association of Barangay Captains (ABC) sa banwa sang Isabela Negros Occidental kag barangay kapitan sang Rumirang nga si Antonio T. Medencelles.

Sa interview sang Aksyon Radyo Bacolod ginpahayag ni Municipal Councilor Raymund Gerard Montilla, si Medencelles ang ginbawian sang kabuhi sadtong Agusto 15 sang gab-i.

Dugang pa ni Montilla, si Medencelles nga nagserbe bilang opisyal sang barangay kag banwa sa sulod sang pila ka dekada, ang madugay na nga nagasuprer sang balatian.

Paagi sa ginatawag nga rules of succession, nagbulos bilang barangay kapitan ang number one kagawad, samtang bulos man bilang presidente sang ABC ang bise presidente sini nga si Barangay 4 punong barangay Eduardo Pregua.

Pagadesisyonan naman sang kunseho sang barangay kag sang local chief executive, kun sin-o ang ibulos sa nabakante nga number 7 kagawad sang barangay Rumirang. | Aksyon Marlon Genovea

PRISO SA ESCALANTE PNP GINBAWIAN KABUHI SA HOSPITAL

Patay ang isa ka bilanggo sang Escalante City Police Station samtang ginabulong sa Vicente Gustilo District Hospital syudad sang Escalante.

Ang napatay ginkilala kay Radjie Yap , 20 anyos, residente sang Yolanda Homes, Barangay Washington, sa amo nga syudad.

Suno kay PLt Col. Gil John Despi, nabilanggo si Yap sadtong February 23, 2021 matapos gindakop sa kaso frustrated homicide.

May 6, 2021, ginpa check-up sa doctor si Yap matapos nakabatyag sang stomach pain, kag  kahapon (May 7, 2021) las 9:40 sang aga gin-confine sa ospital matapos nakaangkon sang inasod asod nga pagpalanakit sang tiyan.

Las 12:45 sang hapon ini gindeklarar patay samtang ginabulong sa ospital bangod sa acute respiratory failure. | Aksyon Alvin Grava

DUHA GINDALA SA HOSPITAL MATAPOS ANG AKSIDENTE SA BARANGAY ALIJIS

Gindala sa hospital ang duha ka mga sakay sang motorsiklo matapos na aksidente sa atubang sang Shell gasoline station sa dalan Alijis, syudad sang Bacolod, Sabado sang gab-i.

Ginkilala ang driver sang motorsiklo nga si Rossfel Musni, residente sang Kabugwason, Barangay Mansilingan kag ang backrider sini nga si Lindy Lynn Arevalo, residente sang DC 1 RPHS, Barangay Alijis.

Ang mga biktima ang gikan sa birthday party kag papuli na sang natabo ang aksidente nga pagbunggo sa Toyata Innova nga ginamaneho ni Jennifer Genita, 41 anyos, sang City High, Barangay Taculing.

Ang motorsklo ang gikan West padulong East nga direksyon samtang ang Innova ang gikan East to West.

Suno kay Police Senior Master Sargeant Clark Cañon, traffic investigator sang Police Station 7, base sa alegasyon ni Genita, iya nakita nga ang motorsiklo ang yara sa center lane kag naga ikis-ikis ang dalagan rason nga nag nagbahar ini kag nagdesisyon nga maglikaw paagi sa pagtabok sa pihak nga dalan, pero nagbalik sa iya linya ang motorsiklo nga nangin kabangdanan sang aksidente.

Dugang pa ni Cañon, ginpahayag man ni Genita, nga iya ginalantaw nga base magliko ang motorsiklo.

Makita nga ang damage sang innova ang yara sa tuo sa una.

Suno kay Cañon, magabalik ini sa lugar sang insidente kag i-check ang mga CCTV.

Suno sa mga responder, conscious ang duha ka mga biktima sang gindala sa hospital.

MORE STORIES:

LIKE US ON FB

error: Ooops... You are not authorized to copy this content.