LIDER SANG MGA BADJAO SA SYUDAD SANG SAGAY, NAGPOSITIBO SA COVID-19

Share on facebook
Share on google
Share on pinterest
Share on twitter
Share on print

Ginkumpirmar ni Kapitan Edgardo Jose Maria Vasquez sang Barangay Taba-ao, syudad sang Sagay nga nagpositibo sa Covid-19 ang lider sa grupo sang mga badjao nga ila ginsapupo.

Sa interview sa Aksyon Firing Line ginpahayag ni Vasquez nga bilang inisyatibo sang lokal nga gobiyerno sa syudad sang Sagay, ginpakamaayo nga ipaidalom sa RT-PCR test ang 38 ka mga miyembro bangod plano nga papuli-on sa ila nga lugar.

Suno kay Vasquez, Nobiyembre 30 sang gin-swab ang 38 ka badjao kag ang resulta sang lider amo pa lang ang naggwa nga positibo ini sa virus.

Gindala na sa quarantine facility ang nagpositibo nga lider kag tatlo sini ka miyembro sang pamilya.

Samtang, ginbulgar ni Vasquez nga antes gin-swab nagkadto sa Bacolod ang lider nga amo ang ginalantaw rason kon nga-a nagpositibo ini sa virus.

Palayag pa ni Vasquez, gin ako man sang lider nga nagpositibo nga nakagwa ini pakadtu sa merkado kag sa syudad sang Cadiz. | Aksyon Ann Defensor

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.