LIBRO SANG KABUHI NI ATTY. BEN RAMOS, IGALUNSAR

Share on facebook
Share on google
Share on pinterest
Share on twitter
Share on print

Igalunsar na sa maabot nga sabado, Nobiembre 17 ang libro sang kabuhi ni Attorney Benjamin Ramos Jr. kadungan sang public viewing sang iya bangkay sa Rodrigo Chua Memorial Gymnasium sa syudad sang Sipalay.

Suno kay Felipe "ipe" Gelle, Secretary General sang September 21 Movement ang paglunsar sang libro ginahalad sang Paghidaet sa kauswagan Development Group ukon PDG sa nagtaliwan nga abogado nga may titulo "Stories of Struggles" kun sa diin mabasahan kon paano gintindugaan ang kinamatarong sang pumuluyo kalakip na ang kadalag-an sang mga asosasyon sang mga mangunguma kag mangingisda sa isla sang Negros paagi sa bulig ni Attorney Ramos.

Dugang pa ni Gelle, ang libro ang ginsulat ni Zarah Writh, isa ka Australian professor kag ginproduced sang U.P. Press.

Sa pihak nga bahin, natalana ang lubong ni Ramos sa maabot nga Dominggo, ala una sang hapon sa Sipalay City Public Cemetery.

PASAPORTE GIN PROMOTE BILANG BRIGADIER GENERAL

Lubos nga ginpasalamatan ni 303rd Infantry Brigade Commander Inocencio Pasaporte si Presidente Rodrigo Duterte kag AFP Board of Generals matapos ginpromote ini sa ranggo nga Brigadier General.

Suno kay Brig. Gen. Pasaporte, gin-aprobahan ni Presidente Duterte ang iya promotion upod sa 4 ka mga senior officers tinalikdan nga Martes, Hunyo 22.

Dugang pa ni Pasaporte ginakabig nga kadalag-an sang tanan nga mga miembro sang Philippine Army sa Negros Occ. ang promotion bilang bag-o nga Heneral sang AFP bangod daku ang nangin kontribusyon sang mga soldado para sa ila mga nalab-ot.

Ginpahayag man ni Pasaporte nga sa pihak sang pandemya, padayon ini nga magapangalagad sa bug-os nga probinsya ilabi sa pagpakig-away sa Covid-19 paagi sa pagpadala sang mga militar nga nagaserbi bilang contact tracers, pagbantay sa 5 ka mga Quarantine Boarder Control nga nagatapik sa Occidental kag Oriental kag madamo pa nga iban. | Aksyon Alvin Grava

ISA PATAY, ISA PILASON MATAPOS NA AKSIDENTE ANG TRICYCLE SA SAGAY

Ginbawian sang kabuhi ang bana, samtang pilason ang asawa sa nagluntad nga aksidente sa Taytay Tan-ao, Purok Taklong, Barangay Bato, Syudad sang Sagay las 3 sang hapon, Myerkules.

Ang napatay ginkilala kay Llewelyn Datolayta, 56 anyos, samtang ang pilason nga asawa ginkilala kay Dory, 57 anyos tanan nagapuyo sa Barangay Maquiling, samtang ang driver nga truck ginkilala naman kay Roger Vergara, 47 anyos, nagapuyo naman sa Barangay Bato sa amo man nga Syudad. 

Sa inisyal nga imbestigasyon sang otoridad sa pagpanguna ni P/LCol Albert Sy, hepe sang Sagay PNP,  naglupok ang goma sa sidecar sang tricycle rasun nga indi na ini makontrol sang driver kag nagpadulong sa nasugata nga truck.

Nasangit sang truck ang tricycle nga ginmaneho sang napatay upod ang asawa nga ginabulong subong sa hospital.  

Gina-usisa pa sa otoridad ang impormasyon nga nag-wild ang karabaw nga karga sang tricycle rasun nga wala na makontrol kag nagbungo sa nasugata nga truck.

MORE STORIES:

LIKE US ON FB

error: Ooops... You are not authorized to copy this content.