LGU SANG SAN CARLOS CITY NAG PADALA SANG DEMAND LETTER SA SHIPPING LINE NGA GINA TRABAHUAN SANG COVID-19 PATIENT NGA NAPATAY BANGUD SA GIN ALEGAR PAG LAPAS SA PROTOCOL

Share on facebook
Share on google
Share on pinterest
Share on twitter
Share on print

Ginkumpirmar ni San Carlos City Mayor Rene Gustilo nga nagpadala sang demand letter ang syudad sa management sang shipping line nga ginatrabahuan sang 77 anyos nga kapitan sang barko, nga nagpositibo sa COVID-19 kag napatay sa Corazon Locsin Montelibano Memorial Regional Hospital.

Sa interview sa Aksyon Firing line, ginpahayag sang alkalde nga tuyo sang demand letter agod pasabton ang management angot sa mga gin alegar ginlapas nga health protocol partikular na ang natabo nga gin alegar pagpanaog sang kapitan sa barko sa ila pagdungka sa Toledo, Cebu.

Suno kay Gustilo, klaro nga paglapas ang ginhimo sang kapitan rason nga ang syudad may kabudlayan sa paghibalo kon diin ang origin sang virus.

Dugang pa ni Gustilo, nagpatigayon na sang contact tracing ang syudad sa mga naka-close contact sang kapitan sang barko kag gin-quarantine naman ang mga crew agod masiguro nga indi na maglapta ang virus.

Palaligban sa karon suno sa Alkalde ang mga galastuhon sang gin-quarantine nga mga crew sang barko matapos nadikubre nga kalabanan sa ila mga apprentice, nagakahulangan nga wala sang sweldo nga batunon.

Palayag ni Gustilo, obligasyon kuntani sang management nga buligan ang mga crew ilabi na ang safety sang mga ini matapos nga may na-record nga kaso sang COVID-19 sa diin, mismo ang kapitan sang barko ang na-infect sang kagaw nga nagresulta sang iya kamatayon. | Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.