LGU SANG LA CASTELLANA NAGA PANAWAGAN SA MGA NAG BISITA SA NATURES VIEW CAFE NGA MAG KOOPERAR SA CONTACT TRACING

Share on facebook
Share on google
Share on pinterest
Share on twitter
Share on print

Ginpanugyan sang La Castellana Municipal Disaster Risk Reduction and Management Office (MDRRMO) sa mga persona nga nagbisita sa Natures View Café sa Sitio Old Fabrica Brgy. Cabagnaan La Castellana Negros Occidental, umpisa alas 2 sang hapon Agusto 2, 2020 nga magkooperar sa ginapatigayon nga contact tracing.

Ini matapos mahibaluan nga nagpadulong man sa amo nga lugar ang 60 anyos nga babaye nga napatay sa Covid-19.
Sa record sang Myla Carlota fb page, ini nga pasyente ang exposed sa confirmed case no. 15 kag 16 sang La Carlota, bangud sila ang nag-updanay sa necrological service sadtong Hulyo 26. Agusto 2, siya ang nagpanyaga sa balay sang iya churchmate sa Villa Claridad Subd.

Agusto 4 sang ini ang nakaexperiensiya sa kabudlayan sa pag-ginhawa, gani nagpakonsulta sa doktor.

Agusto 8 sang ini ang ginbawian sang kabuhi, samtang Agusto 9 sang magwa ang resulta nga siya ang positibo sa Covid-19.

Temporaryo nga ginpasirad-an ang establisamento.

Suno kay Mayor Rhumyla Nicor-Mangilimutan, ginmandoan naman nga mag-home quarantine ang walo ka mga staff kag empleyado sini, kag natalana nga ipaidalom sa RT-PCR tests. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.