LGU SANG BACOLOD, WALA SANG PUDER NGA MAGPILI SANG QUARANTINE FACILITY NGA TINIRAN SANG MGA GIN REPATRIATE NGA OFWs

Share on facebook
Share on pinterest
Share on twitter
Share on print

Gin klaro ni City Councilor Israel Salanga nga wala sang puder ang LGU sang Bacolod nga mag pili sang quarantine facility nga tiniran sang mga gin repatriate nga Bacolodnon OFWs.

Sa facebook post sang Konsehal, iya gin pahayag nga ang OWWA amo ang naga transakyon sa hotel ukon inn kag indi ang LGU. Ini ang kabangdanan suno kay Salanga kon nga-a indi nila ma akomodar ang pangabay sang mga OFWs kon diin nila luyag nga pasilidad mag paidalum sa quarantine.

Suno kay Salanga, cover lamang sang ila trabaho ang pag hatag sang personnel, nurse, bus and disinfection team, libre nga swab test kag staff nga maga monitor sa mga OFWs.

Gin klaro man ni Salanga, nga indi man nila pwede intrahan ang sagwa na sang Bacolod kaangay sang mga OFWs sa iban nga lugar kag syudad sa Negros Occidental bangud limitado lamang siya sa mga Bacolodnon OFWs nga naga inabot.

Nag pabutyag man sang pagkadismaya si Salanga matapos nga wala sa gihapon sang insakto nga koordinasyon sa tunga sang LGU kag National IATF matapos nga hinali nga may nag abot nga mga OFWs sang Dominggo sang kaagahon nga wala sila napahibalo.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.