Gina hibalo na sa karon ni Bacolod Mayor Evelio Leonardia kon sin-o ang natungdan nga Punong Barangay sa Bacolod nga gina tumod ni Presidente Rodrigo Duterte nga naga intra sa iligal nga droga.
Sadtong sabado nga adlaw, gin paandaman ni Duterte ang Kapitan nga mag halin sa Bacolod ukon mapatay ini.
Gin pahayag ni Leonardia, nag pakigkita na siya sa mga otoridad kag gin ako nga ini ang una nga tion nga ila nahibaluan ang alegasyon sang Presidente.
Suno sa Alkalde, naga hulat ini sa karon sang impormasyon gikan sa otoridad bangud indi niya luyag mag spekular.
Nag pabutyag si Leonardia sang kahandaan nga iya updan sa police ang Kapitan enkaso nga mag palapit sa iya.
Posible man suno sa Alkalde nga indi mag santo ang listahan sang Philippine Drug Enforcement Agency sa listahan sang Philippine National Police sa mga opisyales nga naga intra sa iligal nga droga.