LASTIERRE GINA LANTAW ANG ISTRIKTO NGA HEALTH PROTOCOL ANG KABANGDANAN SA MADIOTAY NGA TAWO NGA NAGA EXERCISE SA LAGOON

Share on facebook
Share on google
Share on pinterest
Share on twitter
Share on print

(Capitol Photo | Richard Mahilan Photo)

Istrikto nga health protocols ang isa sa mga rason kun ngaa diutay lamang ang mga tawo nga naga walking, jogging kag exercise sa Provincial Capitol Lagoon and Park.

Ini ang ginpahayag ni Provincial Safety and Security Division head Renelo Lastierre, duha ka adlaw matapos liwat buksan sa publiko ang lagoon.

Suno kay Lastierre, ginpakamaayo sang iban nga mag jogging na lamang sa dalan sa palibot sang lagoon.

Dugang pa ni Lastierre, pila sa mga protocols nga nagpabudlay sa mga luyag magsulod, amo ang pagpresentar sang identification card, kag pagsuksuk sang face mask kag faceshields.

Ginklaro ni Lastierre nga kabahin lamang ini sa mga protocols agud mapasiguro nga indi na magdugang pa ang kaso sang Covid-19.

Nobyembre 7 sang liwat nga ginbuksan ang lagoon, walo ka bulan ang nagligad sang ini ang temporaryo nga pasirad-an agud malikawan ang mass gathering nga isa sa mga ginahalinan sa pagdamo sang Covid-19 cases. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.