LAPSAG GIN NGALANAN COVID MARIE; AMAY NGA E-BIKE DRIVER NAGA PANGAYO SANG BULIG

Share on facebook
Share on google
Share on pinterest
Share on twitter
Share on print

Ginpangalan sa pandemic nga COVID-19 ang isa ka lapsag nga ginbun-ag sa tion sang enhanced community quarantine sa syudad sang Bacolod.

Ginbun-ag adlaw sang Lunes, Abril 13, 2020, las 12:30 sang udto si Baby Covid Marie T. Tupas sa Bacolod City Health Office.

Sa interview sang Aksyon Radyo Bacolod sa amay ni Covid Marie nga si John Joachim Tupas, 23 anyos, ginpahayag sini nga ang ngalan sang ila bata ginrekomendar sang manghod sini nga si Mary Jocelyn Tupas.

Luyag ni Tupas nga paagi sa pangalan sang ila anak madumduman sa ulihi ang pandemic nga ginapangatubang sang pungsod.

Ini ang una nga bata ni Tupas kag sang live-in partner sini nga si Colline Tabesa, 20 anyos.

Ginpabutyag naman ni Tupas nga isa subong sa problema sang pamilya ang inugbakal sang diapers ni Covid Marie.

Si Tupas isa ka e-bike drayber kag bangud sa gina patuman nga ECQ wala ini sang iban pa nga palangitan-an samtang wala naman sang trabaho ang live-in partner sini.

Si Congressman Greg Gasataya ang isa sa mga nakakita sang balita sa social media angut kay Covid Marie.

Gin pahayag sang Kongresista, handa siya nga mag maninoy sa lapsag kag nag pasiguro nga maga hatag man sang bulig.

Sa may mga bulawanon nga taguipusuon nagapangayo man sang bulig ang pamilya ni Baby Covid Marie kag pwede ini ipaagi sa Aksyon Radyo Bacolod. | Aksyon John Diaz

GOV LACSON NAGPAIDALUM SA SELF-ISOLATION

Nagpaidalom sa self-isolation si Governor Bong Lacson umpisa subong nga adlaw, kalakip ang 18 ka mga empleyado sang Department of the Interior and Local Government (DILG) Negros Occidental.

Ini matapos magpositibo sa COVID-19 ang isa ka DILG Iloilo employee, nga nagtambong sa Provincial Anti-Drug Abuse Summit sang Biyernes Enero 22.

Suno kay Provincial Administrator Atty. Rayfrando Diaz II, si Lacson kag 18 ka mga DILG employees ang natalana nga magpa swab test bwas nga adlaw.

Dugang pa ni Diaz, kinahanglan nga magpa self-isolate ang gobernador bangud siya ang isa sa mga naghatag sang certificate of appreciation sa empleyada nga nagpositibo sa COVID-19.

Kalakip sa magapakuha sang swab test amo si DILG Negros Occidental OIC Provincial Director, Roselyn Quintana.

Gintalana sang gobyerno probinsiyal ang Mambucal Mountain Resort sa Minoyan Murcia nga amo quarantine facility nga teneran sang mga ini, samtang nagahulat sa resulta sang swab test.

Ginklaro man ni Diaz nga isa man siya sa mga nakatambong sa amo nga summit, apang wala maka close contact sa nagpositibo nga DILG official nga makabig bilang Authorized Person Outside Residence (APOR).

Setyembre 4, 2020, si Lacson ang nagpaidalom man sa self-isolation matapos magpositibo sa COVID-19 ang utility worker assign sa Governor’s Office. | Aksyon Marlon Genovea

KASO ADMINISTRATIBO IPASAKA BATUK SA CANDONI POLICE NGA NAGPOSITIBO SA DROGA

Natalana nga ipasaka sa masunod nga simana ang kaso administratibo batok sa pulis nga Candoni nga nagpositibo sa illegal nga druga.

Suno kay Negros Occidental Police Provincial Office ukon NOCPPO Deputy Spokesperson PLt Abegael Donasco, ginhatagan liwat sang isa pagid ka simana ining corporal agud makapaathag sa iya bahin.

Dugang ni Donasco, tanan nga proseso ginpatuman sa iya, antis pana man mapasakaan sang kaso. Ining pulis gin-assign gilayon sa Regional Office sang PNP kag dis-armado.

Madumduman, naga-isahanon siya nagpositibo sa lima nga ginpa-idalum sa drug test sadtong Deciembre 2020. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.