LALAKI SA BANWA SANG MURCIA NAKUHAAN SANG MATAG-AS NGA KALIBRE SANG ARMAS, ARESTADO

Share on facebook
Share on google
Share on pinterest
Share on twitter
Share on print

Arestado ang isa ka lalaki nga taga banwa sang Hinigaran matapos nakuhaan sang mataas nga kalibre sang armas sa Canlaon View Subd, Brgy. Blumentritt, banwa sang Murcia kahapon nga adlaw, Martes.

Ang suspetsado ginkilala kay Mark Salazar, 30 anyos, nagapuyo sa Purok Pantalan Da-an, Barangay 1, banwa sang Hinigaran.

Suno kay Murcia PNP Commander P/Maj. Robert Dejucos, ginsulong kag ginpahog sang suspek ang iya magulang nga babayi nga si Marianie Javelosa, 35 anyos.

Sa pagresponde sang kapulisan, nakuha sa suspek ang isa ka unit sang KG9 machine pistol nga may magazine kag silencer.

Nakuha man sa suspek ang 71 ka bala sang 9mm.

Ang suspetsado priso karon sa Murcia Municipal Police Station kag nagapangatubang sang kaso paglapas sa R.A. 10591 ukon illegal possession of fire arms and ammunition.

MORE STORIES:

LIKE US ON FB

error: Ooops... You are not authorized to copy this content.