LALAKI PILASON SANG GINTIRO SA VALLADOLID

Share on facebook
Share on google
Share on pinterest
Share on twitter
Share on print

Pilason ang isa ka lalaki matapos ginluthang las 7:15 sang gab-i, Enero 12 sa Zone 3, Purok Mabinuligon, Brgy. Tabao Proper banwa sang Valladolid.

Ginkilala ang biktima kay Jeffrey Pasilan, 25 anyos samtang ang suspetsado ang ginkilala naman kay Elmer Olibo, 30 anyos.

Suno kay Senior Inspector Joseth Catonina, hepe sang Valladolid PNP, posible bangud sa pagpangimon ang motibo ni Olibo sa pagluthang kay Pasilan.

Sa imbestigasyon sang kapulisan, madugay na nga wala nagapauli kay Olibo ang iya nga asawa kag gina alegar nga may mga nagahatag sa iya sang impormasyon nga may relasyon ang iya asawa kag si Pasilan.

Base sa mga testigo, sang nakita ni Pasilan nga nagapadulong si Olibo, nagdalagan ini rason kun ngaa gingabot ni Olibo ang iya 38 caliber revolver nga armas luthang kag ginluthang si Pasilan sang makaduha ka beses igo sa natuo nga bahin sang iya hawak.

Matapos ang krimen gilayon man nga nagsakay sa motorsiklo si Olibo kag nagpalagyo apang makaligad ang duha ka oras nagsungka man ini sa kapulisan.

Priso karon sa custodial facility sang Valladolid PNP si Olibo kag posible magatubang sang kaso nga frustrated murder. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.