Padayon ginabulong sa Corazon Locsin Montelibano Memorial Regional Hospital si Joel Gumban, 37 anyos sang Hda. Loygoy 2 Barangay Granada syudad sang Bacolod.
Si Gumban ang ginlabo kagab-i, Biernes sang iya bayaw nga si Alejandro Adolfo, 37 anyos sang amo man nga lugar.
Si Gumban ang may igo sang labo sa abaga samtang si Adolfo ang gilayon man nga na-aresto sang kapulisan.
Suno kay Police Lt. Melchor Tolentino, officer in-charge sang Police Station 5, nagkadto si Gumban sa puloy-an sang iya bayaw sa diin natabo ang wala pag-intyendihanay nga nagkadto sa paglinab-anay.
Sa karon ginahulat sang kapulisan ang pamilya ni Gumban kon ipadayon nila ang pagpasaka sang kaso batok sa suspek. | Aksyon Eric Magbanua