Patay ang isa ka lalaki matapos naglumpat humalin sa 4th floor sa isa ka mall sa syudad sang Bacolod pasado las 3 kaina sang hapon, Pebrero 23.
Suno kay Police Station 2 Officer-in-Charge Police Lt. Joven Mogato, ang lalaki nagapang-edaron 30 anyos kag residente sang syudad sang Bacolod.
Ang lalaki ang gikan sa ika-apat nga panalgan sang mall kag nagtupa sa ground floor.
Pagsaysay ni Mogato, problema sa pamilya ang nasaad sa suicide note nga nakuha sa gamit sang naghikog.
Gindala pa sa ospital ang lalaki apang gindeklarar nga patay sang attending physician.
Usisaon sang kapulisan ang kuha sang close circuit television (CCTV) sa sulod sang mall agud mahibaloan ang kahimtangan sang lalaki antis ini maglumpat.
Indi pa matumod sang kapulisan kun may foul play sa amo nga insidente. | Aksyon John Diaz