Patay ang isa ka lalaki matapos mabungguan sang depasahe nga jeep samtang nagatabok sa highway sang Brgy. Bata syudad sang Bacolod Biernes sang gab-i, Enero 15.
Ang napatay ginkilala sang mga kapulisan nga si Dindo Layan, 37 anyos sang Calumpang, Iloilo kag drayber sang isa ka wingvan.
Suno kay Police Station 3 Traffic Investigator Police Staff Sergent Bryan Cordero, nagtabok sa dalan si Layan apang na-alang-alang ini sa nagahagunos nga salakyan gikan sa merkado sang Brgy. Bata.
Nag-isol si Layan apang nabungguan sang depasahe nga jeepney nga gikan naman sa Bangga Pepsi kag padulong sa merkado sang amo nga barangay.
Madalom nga pilas sa ulo ang naangkon ni Layan nga gintunaan sang iya kamatayon.
Yara karun sa kustodiya sang kapulisan ang drayber sang jeep nga si Felix Vaflor, 45 anyos, para sa nagakaigo nga disposisyon. | Aksyon John Diaz