Patay ang nagamaneho sa motorsiklo sang aksidente nga nakabungo sa isuzu elf sa National Highway, Purok Lopues, Barangay Dulao, syudad sang Bago.
Ang napatay ginkilala kay Jessel Salibay, legal ang edad kag pumoloyo sa Barangay Poblacion 1, syudad sang La Carlota, samtang ang driver naman sang elf ginkilala kay Roland Villarosa, 20 anyos Barangay Lopues, syudad sang Bago.
Sa imbestigasyon sang Bago PNP, ang elf ang nagapundo sa sidlangan nga porsyon sang nabungoan sang motorsiklo nga ginamaneho sang napatay.
Si Salibay nakaangkon sang malubha nga kapilasan kag sang gindala sa Bago City Hospital gindeklara ini nga dead on arrival sang attending physician.
Yara naman sa paghinakop sang Bago City PNP si Villarosa para sa proper disposition. | Aksyon Bryan Morden