Patay ang 18 anyos nga sultero matapos ginluthang sa sulod sa iya puloy-an sa Purok Esperanza, Brgy. Mailum, syudad sang Bago kahapon, Biernes.
Ang biktima ginkilala kay Cyrus Mariano, nagapuyo sa amo nga lugar.
Sa inisyal nga pagpangusisa ni PLtCol. John Joel Batusbatusan, hepe sang Bago PNP, nagakatulog ang biktima sang ginsulod sang duha ka wala makilala nga persona kag ginluthang makatatlo ka beses.
Dugang pa ni Batusbatusan, nakaangkon si Mariano sang malubha nga pilas sa ulo kag dughan nga gintunaan sang iya kamatayon.
Ginpaidalum na sa post mortem examination ang lawas sang biktima samtang ang mga na-recover nga basiyo sang armas ang ipaidalum sa ballistic examination. | Aksyon Eric Magbanua