LALAKI PATAY MATAPOS GIN TIRO SANG RIDING-IN-TANDEM SUSPECTS

Share on facebook
Share on google
Share on pinterest
Share on twitter
Share on print

Patay ang isa ka lalaki matapos ginluthang sang wala pa makilala nga riding-in-tandem suspects sa Smile Village, Brgy Salvacion banwa sang Murcia takna las 12:15 sang tungang gab-i, Agusto 15.

Ang biktima ang ginkilala kay Rodel Resaba, 36 anyos kag residente sang Brgy Zone 1 sa amo nga banwa.

Suno kay Major Robert Dejucos, hepe sang Murcia PNP, papauli na kuntani gikan sa bilasyunan si Resaba upod ang iya abyan sakay sa motorsiklo sang gin bangga-an sang mga suspetsado nga nagasuksok sang facemask.

Gin luthang sang suspek ang biktima kag na igo sa nagkalain lan nga bahin sang iya lawas nga amo ang gintunaan sang iya kamatayon.

Matapos ang insidente gilayon nag palagyo ang mga suspetsado sa wala mahibaluan nga direksyon. Hilway naman sa katalagman
kag wala ginluthang ang abyan ni Resaba nga naga angkas sa iya.

Palayag ni Dejucos posible madugay na nga pagdumtanay ang motibo sang krimen bangud ginbuyayaw pa sang suspetsado ang biktima nga may yara ini sang sala.

Nagapakig-angot man sa karon ang kapulisan sa pamilya agud mahibaluan kon may yara sang matudlo nga posible na
kuntra ni Resaba ukon may nabaton nga pagpamahog sa kabuhi antes ang krimen. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.