(adsbygoogle = window.adsbygoogle || []).push({});

LALAKI PATAY MATAPOS GIN TIRO SANG PITO KA BESES SA SILAY

Share on facebook
Share on google
Share on pinterest
Share on twitter
Share on print

Patay ang isa ka lalaki matapos luthangon sa dalan Matagoy, Barangay Rizal syudad sang Silay kaina sang hapon, Mayo 28.

Ang biktima ginkilala kay Napoleon Bisonia, legal ang edad, pamilyado kag residente sang amo man nga lugar.

Ang suspetsado ang ginkilala naman kay Bobet Jaime, legal ang edad.

Suno kay Police Major Rollie Pondevilla, hepe sang Silay City PNP, papauli ang biktima sang ini ang ginsugata kag ginluthang sang suspetsado maka-pito ka beses gamit ang gin-aligar kalibre 45 nga armas-luthang.

Dugang pa ni Pondevilla, may daan na nga pagdinumtanay ang biktima kag suspetsado.

Ang biktima ang nakaangkon sang madamo nga kapilasan sa nagkalain-lain nga bahin sang iya nga lawas kag ginhingagaw pa dala sa Teresita Jalandoni Provincial Hospital sa syudad sang Silay apang gindeklarar nga dead on arrival sang doktor.

Priso ang suspek sa custodial facility sang Silay PNP. | Aksyon John Diaz

MORE STORIES: