LALAKI PATAY MATAPOS GIN TIRO SANG LIVE-IN PARTNER SANG IYA ANAY ASAWA

Share on facebook
Share on google
Share on pinterest
Share on twitter
Share on print

Patay ang isa ka lalaki matapos ginluthang sang live-in partner sang iya anay nga asawa sa Sitio Mambucano, Barangay Cabatangan syudad sang Talisay takna la 1:30 kaina sang hapon, Hunyo 15 .

Ang biktima ginkilala kay Ismael Siason, 55 anyos, kag residente man sang amo nga lugar.

Ang suspetsado amo naman si Rolly Treveles, legal ang edad kag residente sang Hope Village, Barangay Cabatangan sa Talisay.

Suno sa isa ka 55 anyos nga lalaki kag saksi, ginamaneho sang suspetsado ang truck nga kargado sang hollow blocks samtang nagapanglakaton naman sa dalan ang biktima nga gikan naman sa puluy-an sang iya nga amo antis ang krimen.

Dugang pa sang saksi, hinali nalang nga nagpundo ang ginamaneho nga salakyan ni Treveles kag gin-aligar ginkonpronta ang biktima bitbit ang armas-luthang.

Gintiro sang suspetsado si Siason sang makatatlo ka beses gamit ang wala pa matumod nga kalibre sang armas luthang kag may igo sa dughan nga gintunaan sang iya kamatayon.

Suno kay Art Siason, bata nga lalaki sang biktima, 15 na ka tuig nga bulag ang iya amay kag iloy.

Pagpahayag pa sang bata sang biktima, wala man nakamuno ang iya amay nga nagadinumtanay sila sang live-in partner sang iya iloy.

Suno naman kay Talisay City PNP Deputy Chief of Police for Operations Police Lt. Ray Cordero, wala pa mahibaloan sang mga kapulisan ang motibo sa krimen samtang nagapadayon pa ang imbestigasyon.

Ang suspetsado ang nagpalagyo kag padayon pa ang hot pursuit operation sang mga kapulisan. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.