Patay ang 36 anyos nga lalaki matapos ginluthang sang iya man kaupod sa pag-inom sang makahulubog nga ilimnon sa Kilometrahi 117, Barangay Tabu, banwa sang Ilog las 4:40 sang hapon, Agosto 2.
Ang napatay ginkilala kay Ernan Villarin kag ang suspetsado ginkilala naman kay CJ Tecson, 23 anyos, pomuluyo sang Sitio Laksawon, Barangay Talacdanm banwa sang Cauayan.
Sa imbestigasyon sang Ilog PNP, ginluthang ni Tecson sang makaisa ka beses si Villarin gamit ang homemade nga armas nga nag-resulta sa kamatayon sang biktima.
Dugang pa, hinubog ang ginalantaw nga motibo sa insidente. | Aksyon Ann Defensor