LALAKI PATAY MATAPOS GIN BUNO SANG MAGPAKAISA

Share on facebook
Share on google
Share on pinterest
Share on twitter
Share on print

Patay ang 33 anyos nga soltero matapos ginpulihan buno sang magpakaisa sa Purok Urban Barangay Sum-ag syudad sang Bacolod, Myerkules sang gab-i.

Ang biktima ginkilala kay Jacob Asong temporaryo nagapuyo sa Purok Rojas Barangay Tangub syudad sang Bacolod.

Gindala sa Corazon Locsin Montelibano Memorial Regional Hospital si Asong apang napatay ini sang Huwebes sang kaagahon, Hunyo 4.

Ang magpakaisa nga sanday Edmar kag John Mark Duaquino kag isa pa gid ka upod ang ginatudlo nagbuno sa biktima.

Suno kay Police Lt. Jonito Pastrana, hepe sang Police Station 9, lansihanay sa transaksyon sa goldenfield commercial complex ang ginhalinan sang insidente.

Nagapati si Pastrana kon indi babaye posible druga ang gin-awayan sang biktima kag suspetsado.

Nadakpan ang mga suspek kag karon Preso sa Police Station 9. | Aksyon Eric Magbanua

PANGABAY NI CONG GASATAYA NGA DUGANG NGA SENIOR CITIZENS NGA MAKABENEPISYO SANG SOCIAL PENSION, VERIFIED NA SG DSWD

Na-verified na sang Department of Social Welfare and Development (DSWD) ang request ni Bacolod Lone District Congressman Greg Gasataya nga dugang nga senior citizens nga makabenepisyo sang social pension.

Sa interview sa Aksyon Hotline, ginpahayag ni Gasataya nga sa karun 2,700 lamang ang existing nga benepisyaryo sang social pension sa Bacolod. Ang mga nasambit nga pensioners ang wala gid sang may ginabaton nga anu man nga pension kaangay sang SSS, GSIS kag iban pa.

Suno kay Gasataya, 4,000 ka mga senior citizens ang nadugang sa listahan sa diin beripikado na man ini sang DSWD.

Nahibaloan, ang nasambit nga mga pensioners ang nagabaton sang P500.00 kada bulan gikan sa DSWD.

Dugang pa ni Gasataya, may gin-file na man nga hagna nga nagapadugang sang social pension apang sa karun pending pa ini sa kamara.

TATLO KA MGA OPISYAL NGA NAKATUPAD NI GOV LACSON SA ANTI DRUG SUMMIT, NEGATIBO SA COVID-19

Negatibo sa Covid-19 ang tatlo ka mga opisyal nga nakatupad ni Governor Bong Lacson sa Provincial Anti-Drug Summit syudad sang Bacolod sang Biyernes Enero 22, 2021.

Ini ang gin anunsiyo sang gobernador subong nga adlaw, kasunod sang iya pagpa swab test sa Teresita L. Jalandoni Provincial Hospital sa syudad sang Silay.

Ang tatlo amo sanday DILG Negros Occidental OIC Provincial Dir. Roselyn Quintana, Asst. Reg’l. Dir. Maria Calpiza Sardua, kag Liga ng mga Barangay Pres. kag Neg. Occ. Board Member Juvy Pepello. 

Sila kag si Lacson ang kalakip sa mga opisyal nga close contacts sang DILG Iloilo official nga nagpositibo sa Covid-19 kag nagtambong man sa summit.

Suno sa gobernador, mahibaluan ang resulta sang iya swab test karon sa gab-i kag nagalaom nga magnegatibo agud makabalik sa gilayon sa pagreport sa kapitolyo probinsiyal.

Dako ang pagsalig ni Lacson nga siya ang mag negatibo, bangud wala man sang sintomas nga ginabatyag.

Si Lacson ang nagpaidalom sa self-isolation umpisa kahapon Enero 26.

MORE STORIES:

LIKE US ON FB

error: Ooops... You are not authorized to copy this content.