(adsbygoogle = window.adsbygoogle || []).push({});

LALAKI PATAY MATAPOS GIN ALEGAR NAG BATO SA OPERATIBA SANG GIN SERBIHAN WARRANT OF ARREST

Share on facebook
Share on google
Share on pinterest
Share on twitter
Share on print

Patay ang isa ka lalaki matapos gin alegar nag bato sa otoridad sang ginserbihan sang warrant of arrest sa kaso murder sa Purok Baybayon, Barangay Banago, syudad sang Bacolod pasado las 4 kaina sang hapon, Mayo 12.

Ang suspetsado ginkilala kay Fritz Diasanta, 29 anyos kag residente sang nasambit nga lugar.

Sa interview sang Aksyon Radyo kay Barangay Banago Kagawad Jessie Bantigue, si Diasanta ang gin alegar una nga nagpalupok rason nga nagbalos ang mga personnel sang CIDG-Bacolod kag may lagsanay pa nga natabo.

Suno kay Police Station 3 Commander Police Captain Richard Pajarito, pag-abot sang mga operatiba sa basketball court malapit sa puluy-an ni Diasanta kag hana na kun tane nga i-serbi ang warrant of arrest sang hinali nalang ini nga nagpalagyo.

Ginlagas sang mga operatiba si Diasanta apang gin-aligar nga una nagpalupok sang armas-luthang batuk sa kapulisan.

Nagtaklas sa atop sa pila ka mga puluy-an si Diasanta kag naglab-ot sa ika-duha nga panalgan sa puluy-an ni Purok Chairman Dela Torre kag didto ginbawian sang kabuhi matapos nakaangkon sang madalom nga pilas sa iya nga lawas.

Wala sang armas-luthang nga narekober sa lugar kun sa diin nasapwan patay si Diasanta.

Ginkumpirmar ni Pajarito nga si Diosanta kalakio sa Top 20 Most Wanted Person sang Police Station 3. | Aksyon Ann Defensor, Aksyon John Diaz

MORE STORIES: