LALAKI NGA NAKUHAAN SANG MATAG-AS NGA KALIBRE SANG ARMAS LUTHANG SANG MILITAR, NAKAPALAGYO

Share on facebook
Share on google
Share on pinterest
Share on twitter
Share on print

Naglumpat sa bakyas si Joselito Ebarle, ang nadakpan sang 62nd Infantry Battalion sang Philippine Army nga may mga matag-as nga kalibre sang armas luthang sa iya puloy-an.

Suno kay 303rd Infantry Brigade Commander Col Inocencio Pasaporte, samtang nagalakat sa Sitio Bongaw, Barangay Trinidad, Syudad sang Guihulngan ang tropa sang gobyerno upod ang suspetsado, hinali lang ini nga nagpalagyo sa banglid nga lugar, agud malagyo.

Dugang ni Pasaporte, gintinguhaan sang otoridad nga lagson ini, apang bangud sa mabudlay nga lugar nagab-ihan sila napaslawan nga makita ang suspetsado.

Palayag pa sang commander, may nakit-an nga mga dugo sa gin-agyan ni Ebarle, posible nagkalapilas sang palagyo.

Ipresentar pa kun tani ang suspetsado sa mataas nga pamunoan sang Philippine Army.

Suno pa kay Pasaporte, apisar nga nakapalagyo si Ebarle, indi siya hilway sa mga kaso kasunod sa mga armas nga nakunpiskar sa iya puder.

Madumduman, tinalikdan nga Septembre 17 sang nakumpiskar sang otoridad sa puloy-an sang suspetsado ang duha ka M16 rifle, walo ka mga pistola, duha ka homemade shotgun, magazine sang M14 rifle kag mga backpacks nga may mga dokumento. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.