Patay sang nasapwan nga may gapos ang tiil kag kamot ang isa ka lalaki sa katubohan, Purok 5, Barangay Sto. Nino, Banwa sang EB Magalona.
Ang biktima ginkilala kay Nel Arcangel, legal ang edad kag nagapuyo sa amo man nga lugar.
Suno kay PCapt Wilfredo Benoman, hepe sang EB Magalona PNP, ang biktima may pilas sa pagpangluthang, rasun sang iya kamatayon. Dugang ni Benoman, ginpalayag sang pamilya nga ang ila himata may deperensya sa panghuna-huna kag nagalagaw-lagaw nalang ini.
Gina-usisa sang hepe ang alegasyon nga may record ang biktima sa kaso nga pagpangawat. Wala ini sang record sa nga naga-imbolbar sa iligal nga droga.
Karun sini, padayon pa ang imbestigasyon sang otoridad sa motibo sang krimen. | Aksyon Bryan Morden