LALAKI NGA NAKA AVAIL SANG PLEA BARGAINING NADAKPAN SA BUY-BUST OPERATION

Share on facebook
Share on google
Share on pinterest
Share on twitter
Share on print

Nadakpan ang isa ka lalaki sa drug-buy bust operation sa Parola, Brgy. 6 syudad sang San Carlos takna las 3 sang hapon, Enero 9.

Ang nadakpan ang gin kilala kay Antonio Jakosalem, 25 anyos, residente sang nasambit  nga lugar.

Si Jakosalem ang sadto nadakpan sa kaso nga pag lapas sang R.A 9165 pero naka gwa matapos nga naka avail sang plea bargaining agreement.

Nakuha sa nadakpan ang pito ka elongated plastic sachet sang suspected shabu, 500 pesos nga buy-bust money, 240 nga proceeds, kag drug paraphernalia.

Preso si Jakosalem sa custodial facility sang San Carlos PNP. | Aksyon Stephen Presquito

BARIBAR GINA ABI-ABI ANG GINADUSO NGA PAGHALOG SANG AGE LIMIT NGA MAKAGWA

Gina abi-abi ni Councilor Archie Baribar ang desisyon sang National IATF nga pag halog sa age limit sang publiko nga sarang maka gwa sa puluy-an sa mga lugar nga napaidalum sa MGCQ status.

Suno kay Baribar, ini nga lihok ang indi lamang maka bulig sa aspeto sang ekonomiya, kundi maka pa hagan-hagan man sa psychological kag emotional nga gina batyag sang publiko ilabi na ang mga Senior Citizen nga naga edad 60 tubtob 65 anyos.

Dugang pa sang konsehal, may pila ka mga Senior Citizen nga luyag lamang nga maka gwa sa ila puluy-an para sa pagsimba apang wala sang mahimo bangud sa gina patuman nga restriksyon sang gobiyerno.

Importante lang suno kay Baribar nga mapadayon sang publiko ang pagsunod sa health protocol nga gina patuman sang mga otoridad agud malikawan ang ano man nga problema sa Covid-19 sa palaabuton. | Aksyon Art Tayhopon

SILAYNON, NAKUHAAN SANG 60K SANG SUSPECTED SHABU

Masobra 60 mil ka pesos nga balor sang ginasuapetsuhan shabu ang narekober sang kapulisan sa buy-bust operation sa prk. Maninihon, Brgy Guinhalaran, syudad sang Silay, Biernes sang gab-i.

Gin kilala ang nadakpan kay  Roland Rojo, 34 anyos residente sang amo nga lugar.

Suno kay P/Maj. Rollie Pondevilla, hepe sang Silay PNP, si Rojo ang nalista bilang street level individual, kag naaktuhan nga nagbaligya sang ginasuspetsuhan shabu sa pulis nga poseur buyer.

Narekober sa suspek ang 7 ka plastic sachets sang ginasuspetsuhan shabu, ginabulubanta 10 gramos ang kabug-aton nga nagabalor sang 68 mil ka pesos. Si Rojo ang priso karon sa Silay City custodial facility. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.