MENU

LALAKI NGA NAGADALA ARMAS LUTHANG, GINDAKOP

  • at 6:29 pm
Share on facebook
Share on pinterest
Share on twitter
Share on print

Gindakop sang otoridad ang isa ka lalaki nga naaktohan nagabitbit sang armas luthang sa Hacienda Camil, Barangay E. Lopez, Syudad sang Silay.

Ginkilala ang nadakpan sa kay Raffy Belarmino, 43 anyos kag nagapuyo sa Hacienda Salpakan, Barangay Guimbalaon, sa amo man nga syudad.

Base sa imbestigasyon sang Silay PNP, nakabaton sila sang tawag gikan sa isa ka residente angut sa nagaluntad nga komusyon.

Naabtan sang kapulisan nga bitbit ni Belarmino ang homemade shotgun ukon sulpak nga may apat ka bala nga wala pa nga lupok.

Yara na sa kustodiya sang otoridad ang suspetsado kag armas para sa proper disposition. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

INFORMATION DRIVE KONTRA TB PATIGAYUNON SANG CLMMRH

April 17, 2024

Nagsaka ang kadamuon sang kaso sang Tubercolosis nga narekord sa Corazon Locsin Montelibano Memorial Regional Hospital.

Suno kay Dr. Jose Eladio Planta, consultant sa infectious disease department sang Corazon Locsin Montelibano Memorial Regional Hospital, magapatigayon sila sang information and dissemination drive sa Abril 24 sa Ayala Capitol Central kadungan sang selebrasyon sang World TB Day.

Dugang pa, ang TB nga masakit ang napabay-an na apang luyag ipahanumdom sang mga doktor nga ini ang makalalaton kag makamamatay rason nga dapat bantayan ang ikaayong lawas kag gilayon mag pa check up sa doktor kon may mga ginabatyag nga sintomas.

Suno kay Planta madasig nga matapikan sang amo nga masakit ang mga pasyente nga may HIV, may mga diabetes kag iban pa.

Ginpanugyan ni Planta nga mahimo maka access sa libre nga testing kag libre nga bulong ang mga persona nga may sintomas kag ma diagnose nga may TB.

What’s your Reaction?
+1
0
+1
0
+1
0
+1
0
+1
0
+1
0
+1
0

LAPSAG, PATAY BANGUD SA GINAPATIHAN PERTUSSIS

April 17, 2024

Patay ang duha ka bulan nga bata nga lalaki sa Negros Occidental bangud sa ginasuspetsuhan nga pertussis disease.

Suno kay Provincial Health Officer Dr. Ma. Girlie Pinongan, ang pasyente ang taga-Northern Negros kag napatay sa hospital kagab-i lamang, Martes.

Dugang pa ni Pinongan, lunsay mga sintomas sang pertussis ang ginbatyag sang bata apang ginahulat pa ang resulta sa specimen nga ginpaidalom sa laboratory examination sa Research Institute for Tropical Medicine (RITM).

Sa kabug-usan may 39 na ka mga pertussis related cases ang narekord sa Negros Occidental, sa diin walo ang kompirmado, trese (13) ang negatibo kag dyesiotso (18) ang probable.

Una nga napatay sa pertussis disease ang isa ka bulan nga bata nga babaye.

Pito ka mga local government units sa Negros Occidental ang may kompirmado nga kaso sang pertussis disease.

Sa rekord sang Provincial Health Office – Negros Occidental Health Surveillance System, ang pito amo ang Victorias, Cauayan, Silay, Cadiz, Hinobaan, Murcia, kag EB Magalona.

Pinakadamo nga kaso amo ang Murcia nga may duha, kag nakarekord man sang isa ka napatay.

Kalabanan sa mga pasyente nga nagpositibo sa pertussis amo ang mga kabataan nga nagaedad zero tubtub siyam ka bulan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.