LALAKI NGA NAGADALA ARMAS LUTHANG, GINDAKOP

Share on facebook
Share on google
Share on pinterest
Share on twitter
Share on print

Gin-aresto ang isa ka lalaki kag priso karon sa custodial facility sang Talisay PNP matapos makuhaan sang armas luthang sa Ayala North Point, Barangay Zone 15, Syudad sang Talisay.

Ang nadakpan ang ginkilala kay Arque Deo Maquilang, 29 anyos kag nagapuyo sa Barangay 33, Syudad sang Bacolod.

Una nga gindakop sang Talisay Special Action Team ukon SWAT si Maquilang bangud wala nagsuksok sang facemask, apang nagpanginpadlos ini kag nagtuyo pa nga magpalagyo , rasun nga napilitan ang otoridad nga usisaon kag nakit-an nga nagasukbit sang isa ka improvised 12 gauge shotgun ukon sulpak kag may duha ka bala nga wala nakalupok.

Kaso nga paglapas sang Republic Act 10591 ukon paghupot sang illegal nga armas luthang kag paglapas sa Article 151 ukon ang ordinansa nga nagamando sa pagsuksok sang facemask. | Aksyon Bryan Morden

BUSINESS SECTOR MAGASAPOL KAY COUNCILOR ESPINO SA MGA NAGLUNTAD NGA PAGPANIRO SA SYUDAD

Magapatigayon sang pagsinapol ang mga negosyante upod kay Councilor Al Victor Espino, chairman sang Committee on Police Matters sa Bacolod agud masolusyonan ang pinatyanay sa siudad.

Sa interview sa Aksyon Hotline, ginpahayag ni Metro Bacolod Chamber of Commerce and Industry (MBCCI) President Frank Carbon nga magasapol sila upod kay Espino kag magaplastar sang suhestyon nga mahimo himuon sang siudad agud matapna ang pinatyanay.

Magluwas sa dugang nga police visibility, isa sa una nga ginasuhestyon sang mga negosyante amu ang pagpahamtang sang suga sa mga dalanon sa Bacolod ilabi na ang mga naligwin nga lugar.

Suno pa kay Carbon, indi dapat pag-tratuhon nga ordinaryo ang sunod-sunod na nga pinatyanay sa siudad sang Bacolod.

Dugang pa ni Carbon, bilang negosyante, maka-apekto gid ini sa ila kag sa ekonomiya sang Bacolod bangud sa posible kahadlok nga ituga sa mga negosyante nga luyag mag-invest sa siudad.

Ginpahayag ni City Councilor Al Victor Espino, nga iya na ginatugyan sa kapulisan ang pag imbestigar sa kaso sang mga pagpangluthang  sa syudad sang Bacolod.

Suno kay Espino, ang Sangguniang Panlungsod ang indi ‘proper body’ para ma solusyunan ang amo nga problema kag dapat manguna dire ang law enforcement agency kaangay sang Bacolod City Police Office.

Para kay Espino, sang nag umpisa ang karon nga administrasyon, kag karon manugtapos na ang ila termino, tubtob karon wala pa ini masolusyunan.

Dugang pa sang Konsehal, para sa iya mas nakahibalo kag naka intiende ang kapulisan sa ila nga trabaho.

Sa nahibaluan, humalin Enero tubtob Pebrero 24, dose ka mga insidente sang pagpangluthang ang nagluntad sa separado nga mga lugar sa Bacolod. | Aksyon Dorel Cabatu, Aksyon Dale Salazar

12 KA INSIDENTE SANG PAGPANIRO NAGLUNTAD SA BACOLOD HUMALIN ENERO TUBTOB PEBRERO 24

Naglambot na sa 12 ka mga shooting incidents ang nagluntad sa syudad sg Bacolod umpisa Enero sini nga tuig tubtob Pebrero 24. 

Suno kay Bacolod City Police Office Spokesperson Lt. Liberty Indiape, sa 12 ka mga shooting incidents 10 diri ka mga biktima ang nagkalamatay samtang 2 ang napilasan. 

Dugang pa, 4 na ang ginkabig sg kapulisan nga case closed matapos na kilala ang nga suspetsado kag napasakaan sang kaso sa korte samtang 8 ang padayon pa nga gina imbestigahan sang kapulisan.

Sa pihak nga bahin ginpahayag naman ni BCPO Director Col. Manuel Placido nga iya na ginmando sa mga station commanders ang ma id-id nga imbestigasyon kag ka solbaran sang mga nasambit nga insidente. | Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.