LALAKI NGA NAG SULOD SA ISA KA BALAY SA SAN CARLOS CITY PATAY MATAPOS NATIRUHAN

Share on facebook
Share on google
Share on pinterest
Share on twitter
Share on print
(San Carlos PNP Photo)

Patay ang gin-alegar holdaper matapos nagbato ang tagbalay sa Sitio Tal-ut, Barangay Guadalupe, Syudad sang San Carlos kahapon nga adlaw, Dominggo.

Ang napatay ginkilala kay Felipe Rojo Jr, 43 anyos kag nagapuyo sa Sitio Taub, Barangay Dolis, Calatrava, samtang ginkilala naman ang suspetsado nga si Rodolfo Alvarez, legal ang edad kag nagapuyo naman sa Sitio Tal-ut, Barangay Guadalupe, Syudad sang San Carlos.

Lakip sa gindakop ang isa ka babaye nga si Eden Suico, legal ang edad kag nagapuyo naman sa Toboso sang ini nakit-an sa lugar kadungan sang insidente.


Suno kay PMaj Mark Angelo Junco, hepe sang San Carlos PNP, ang napatay tuyo kun tani nga magsulod sa puloy-an sang biktima, apang naluthangan ini gamit ang improvised nga 12 gauge shotgun.


Dugang ni Junco, gina-imbestigahan pa ang posible holdap ukon may personal nga kaagid ang napatay sa suspetsado.

Palayag pa sang hepe, makapila na ka bes nga ginpangita sang napatay ang puloy-an sang suspetsado, bangud ginmuno-kuno ang mga suspetsado nga nakakutkot sang bulawan.

Gina- usisa man ang posible nga updanay sang pangutkot sang bulawan ang biktima kag suspetsado, apang may lansihanay nga natabo.

Karun sini, wala pa sang nagpakilala nga pamilya sang napatay kag kun may planu sila magpasaka sang kaso. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.