LALAKI NGA NAG PALUPOK SANG ARMAS LUTHANG MALAPIT SA COVID-19 FACILITY SA CALATRAVA, NADAKPAN

Share on facebook
Share on google
Share on pinterest
Share on twitter
Share on print

Arestado ang 30 anyos nga sultero matapos naaktuhan nga nagahupot sang ilegal nga armas sa Barangay Bantayanon, banwa sang Calatrava, Biernes sang gab-i.

Ang suspek ginkilala kay Eldie Rama Jr. Residente sang Barangay Agpangi sang amo nga banwa.

Suno kay P/Maj. Roberto Indiape, hepe sang Calatrava PNP, una nga ginreport sang BPAT member nga maka tatlo ka bes nagpalupok sang armas si Rama sa atubang sang  Barangay Bantayanon Covid-19 facility.

Sa pagresponder sang kapulisan, naaktuhan pa sang mga ini ang suspek nga nagahupot sang (1) isa ka homemade cal. 22 magnum revolver nga may tatlo ka mga bala.

Si Rama ang nahunong karon sa costudial facility sang Calatrava PNP kag nagapangatubang sang kaso paghupot sang ilegal nga armas. | Aksyon Alvin Grava

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.