LALAKI NGA NAG LUMPAT SA SUBA KAG NA MISSING, NASAPWAN NA

Share on facebook
Share on google
Share on pinterest
Share on twitter
Share on print

Pagkalumos kag wala sang foul-play ang kamatayon sang 56 anyos nga lalaki nga nasapwan patay kaina sang aga, Myerkules sa baybayon sang Calong-Calong Airport Barangay Singcang syudad sang Bacolod.

Ang biktima ginkilala kay Rico Mirasol Sr. nga pumuloyo sang Purok Kahirup B, Barangay Mansilingan syudad sang Bacolod.

Si Marisol ang nakita nga nagalutaw sa baybayon, sang mangingisda nga si Glen Aragon sa diin ginbuligan nga mapahigad ang bangkay.

Mismo ang kabataan sang biktima amo ang magkonpirmar sa kapulisan nga ila amay ang nakita sa baybayon sang Calong Calong Airport.

Suno kay Police Staff Sgt. Jomar Dura, imbestigador sang Police Station 8, nalumos ang biktima matapos naglumpat ini Martes sang hapon sa suba sang Barangay Mansilingan durante nga nagabaha.

Suno kay Dura, naka-inom sang makahulubog mga ilimnon si Mirasol sang natabo ang insidente.

Ang bangkay ni Rico Mirasol Sr. ang gindala na sa ila balay sa Purok Kahirup B Barangay Mansilingan syudad sang Bacolod. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.