LALAKI NGA NAG BUNO SA PULIS SA KABANKALAN, NAPASAKAAN NA KASO

Share on facebook
Share on google
Share on pinterest
Share on twitter
Share on print

Napasakaan na sang kaso ang lalaki nga nagbuno sa miyembro sang Kabankalan PNP tinalikdan nga adlaw, samtang nagaduty sa boarder control sa Barangay Talubangi, syudad sang Kabankalan.

Suno kay Lt. Col. Mary Rose Salve Pico, hepe sang Kabankalan PNP, kaso nga frustrated murder ang atubangon ni Noel Bautista, 33 anyos nga nagapuyo sa amo man nga Barangay.

Dugang ni Pico, nakaguwa naman hospital si SSgt John Perez, 54 anyos kag hilway naman sa katalagman, apang ginpakamaayo sini nga magpahuway lang anay sa pagduty.

Sa imbestigasyon sang otoridad, ginsunlog sang mga tawo ang suspetsado nga bawion ang iya nabaton nga 6,000 pesos gikan sa social amelioration program kag isugid sa police kun wala sang may ipakita nga dokumento.

Pagkakita ni Bautista kay Perez nga nakasuksok sang uniporme sang police, ginbuka sini ang dala nga botelya kag ginbuno sa biktima igo sa idalum sang dughan.

Ang suspetsado ang ginapatihan may gamay nga deperensya sa paminsaron, apang suno kay Pico padayon pa ang imbestigasyon sa estado sang iya balatian. | Aksyon Bryan Morden

MORE STORIES:

ANU ANG IMO MA KOMENTO?

error: Ooops... You are not authorized to copy this content.