LALAKI NGA NADAKPAN SA SILAY DRUG BUST ‘DIEHARD’ KAY MICHAEL DIVINAGRAVIA

Share on facebook
Share on pinterest
Share on twitter
Share on print

Ginakabig nga diehard kay Michael Divinagracia ang nadakpan sa buybust operation sang Silay PNP nga si Richard Valenzuela sa Alpha Village, Antonio Luna, Barangay Mambulac, Syudad sang Silay sadtong Martes sang hapon.

Suno kay Police Major Rollie Pondevilla, hepe sang Silay PNP, may tattoo sa abaga si Valenzuela nga napangalan kay Divinagracia.

Nahibal-an, si Divinagracia ginatudlo nga dako nga drug group sa syudad sang Silay.

Ang suspetsado napreso naman sadto, apang nakaguwa kag liwat naman nga nagbaligya sang iligal nga droga.

Nakuha kay Valenzuela ang 8 ka gramo sang ginapatihan shabu nga may market value nga 120, 000 pesos kag mga drug paraphernalia.

Napasakaan naman ini sang kaso sa paglapas sang Republic Act 9165 okon Comprehensive Dangerous Drugs Act of 2002.

Samtang, napasakaan na sang kaso ang suspetsado sa pagbuno kag pagpatay sang iya kaupod nga nagabaliya sang ukay-ukay sa syudad sang Sipalay.

Suno kay Lt. Col. Necerato Sabando, hepe sang Sipalay PNP, kaso nga murder ang ginpangatubang ni Maxie Aziro nga preso sa custodial facility sang Sipalay Police Station.

Si Aziro amo ang responsable sa pagbuno kay Gilbert Zamora igo sa liog, nga gintunaan sang iya kamatayon.

Ginakabig ni Sabando nga nasolbar na ang amo nga kaso. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.