LALAKI NGA MAY WARRANT OF ARREST NAG SUNGKA SA BULIG SANG AKSYON RADYO BACOLOD

Share on facebook
Share on pinterest
Share on twitter
Share on print

Nagsungka sa Aksyon Radyo Bacolod si Rolly Lumangyao 40 residente sang Prk. Ylac Barangay 1, syudad sang Bacolod bangod sa kaso robbery.

Suno kay Lumangyao, nahibaluan sini nga may mandamiento de aresto para sa iya kag ginapangita na sang kapulisan matapos una nga nadakpan ang tatlo pa sini ka mga kaupdanan.

Dugang pa ni Lumangyao, daku ang iya pagsalig sa Aksyon Radyo Bacolod nga mabuligan sa iya problema rason nga personal ini nagpangayu sang bulig agud maupdan sa presinto 6 para boluntaryo nga magsungka.

Ginpahayag man ni Lumangyao,  nga nabudlayan na ini sa pagpanago kag indi makapangita sang maayu nga obra gikan sa (4) apat ka tuig sini mga pagpanago.

Personal nga ginpasalamatan ni P/Maj. Ramel Sarona, hepe sang Police station number 6 ang Aksyon Radyo Bacolod sa pag assist sa suspek nga mag sungka.

Suno kay Sarona, daku ang nabulig sang radio station para mapa sungka si  Lumangyao.

Ginpahayag ni Sarona nga mahimo pa mahilway si Lumangyao kung makahatag ini sang pyansa sa korte para sa iya temporaryo nga kahilwayan kag personal nga atubangon  ang kaso robbery nga ginpasaka sa iya. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.