LALAKI NGA GINPATAY SA BAGO CITY MAY RECORD NGA PAGPANGAWAT KAG NAGAPAMAHOG

Share on facebook
Share on google
Share on pinterest
Share on twitter
Share on print

Ginpatay nga 18 anyos sa Syudad sang Bago tinalikdan nga adlaw ang may mga record sa Barangay nga nagapangawat kag nagapamahog.  

Suno kay PMaj. John Joel Batusbatusan, hepe sang Bago PNP, wala napriso ang amo nga biktima, bangud ini ang minor pa.

Dugang ni Batusbatusan, isa ini sa mga posible nga motibo nga ila karun ginatutokan pero ang problema, bangud indi makilala sang mga saksi ang mga suspetsado.

Nagalaum ang hepe nga may makasugid sa mga suspetsado.

Nahibal-an, ginsulod sa puloy-an kag ginluthang samtang gakatulog si Cyrus Mariano sang Purok Esperanza, Barangay Mailum. | Aksyon Bryan Morden

APAT KA MGA KARABAO PATAY MATAPOS NAIGO SANG KILAT SA BARANGAY BACONG, BAGO CITY

Patay ang apat ka mga karabao sang Pamilya Dellosa matapos naigo sang kilat sa Purok Kalubihan, Barangay Bacong, syudad sang Bago, Sabado, Mayo 8.

Sa interview sang Aksyon Radyo kay Carlo Dellosa, 18 anyos, ang apat ka karabao ang yara sa idalum sang kawayan sang natabo ang insidente.

Suno kay Dellosa, mga las 12 kaina sang udto sang nag ulan sa ila nga lugar, nag init, antes nga nag igo ang makusog nga kilat.

Nagapati si Dellosa nga naigo sang kilat ang apat nila karabao bangud nasunog ang pila ka bahin sang lawas sang sapat.

Nagakasubo ang Pamilya Dellosa sa nadangatan sang karabao nga nagabulig sa ila sa uma. | Aksyon Dale Salazar

PRISO SA ESCALANTE PNP GINBAWIAN KABUHI SA HOSPITAL

Patay ang isa ka bilanggo sang Escalante City Police Station samtang ginabulong sa Vicente Gustilo District Hospital syudad sang Escalante.

Ang napatay ginkilala kay Radjie Yap , 20 anyos, residente sang Yolanda Homes, Barangay Washington, sa amo nga syudad.

Suno kay PLt Col. Gil John Despi, nabilanggo si Yap sadtong February 23, 2021 matapos gindakop sa kaso frustrated homicide.

May 6, 2021, ginpa check-up sa doctor si Yap matapos nakabatyag sang stomach pain, kag  kahapon (May 7, 2021) las 9:40 sang aga gin-confine sa ospital matapos nakaangkon sang inasod asod nga pagpalanakit sang tiyan.

Las 12:45 sang hapon ini gindeklarar patay samtang ginabulong sa ospital bangod sa acute respiratory failure. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.