Ginabanta 50,000 ka pesos sang ginasuspetsuhan shabu ang narekober sang kapulisan sang Police Station 5 sa buybust operation nga ginpatigayon sa Public Cemetery sa Brgy. Granada, syudad sang Bacolod las 11:50 sang Myerkules sang gab-i.
Ang gin-aresto ang ginkilala kay Arvin John Janayan, 31 anyos kag residente sang Purok Kabukiran Brgy Taculing.
Nakuha kay Janayan ang 5 ka sachets sang suspected shabu ginabulubanta 6 gramos ang kabug-ton.
Una diri, mga las 8:30 kagab-i sang Myerkules, sang gin-alegar gin abduct si Janayan sa Brgy. Taculing.
Suno sa mga saksi, nakabati sila sang tatlo ka lupok sang armas luthang kag nakita nga ginposasan kag pwersa nga ginpasakay sa toyota innova nga salakyan si Janayan.
Nakuha pa sang kapulisan sa lugar ang 2 ka empty shell sang calibre 9mm nga armas luthang.
Suno kay Police Capt. John Christopher Masangkay, hepe sang Police Station 5 may nakuha nga shabu nga wala mabayaran ni Janayan rason nga ini siya ang gin-abduct.
Suno kay Masangkay ginhatagan sang deadline ang suspek agod bayaran ang na-utang niya nga bili sang shabu. | Aksyon Eden Aboso, Aksyon Eric Magbanua
