LALAKI NGA FRONTLINER SA PONTEVEDRA, NAG POSITIBO SA COVID-19

Share on facebook
Share on google
Share on pinterest
Share on twitter
Share on print

Nag positibo sa Covid-19 ang isa ka frontliner nga lalaki gikan sa banwa sang Pontevedra.

Siya ang Patient 2 sang banwa.

Base sa facebook post sang Covid-19 Task Force Pontevedra, ang pasyente ang isa ka 26 anyos nga lalaki nga naka contact sa una nga positive patient sang banwa.

Hunyo 25 sang gin kuhaan sang swab specimen ang frontliner kag Hulyo 4 sang nag gwa ang resulta nga positibo ini sa virus.

Ang Pasyente ang natalana nga sayluhon sa Provincial Healing Center sa banwa sang E.B Magalona.

Sa karon, wala pa sang impormasyon nga gin pagwa ang banwa kon ano ang trabaho sang frontliner.

Sa official statement ni Mayor Jose Maria Alonso, ang una nga positive patient sa ila banwa ang isa ka 32 anyos nga lalaki nga Locally Stranded Individual gikan sa Manila kag asymptomatic.

Siya ang residente sang Barangay DSB nga nag abot sadtong Hunyo 18 kag nag gwa nga positibo sa virus sang Hulyo 3.

Suno sa Alkalde, nakahimo na sang contact tracing ang banwa kag na quarantine na ang pamilya sang pasyente kag gin paidalum sa RT-PCR Test.

Nanawagan ang Alkalde nga mangin alerto kag sundon ang mga health protocol.

Samtang, subong nga adlaw, walo ka Negrense LSIs ang nag positibo sa virus, base sa case bulletin No. 100 sang DOH 6.

Ang tatlo ka Negrense LSIs nga nag positibo ang gikan sa Toboso, isa sa Manapla, duha sa Calatrava, isa sa Pontevedra kag isa sa La Castellana.

MORE STORIES:

error: Ooops... You are not authorized to copy this content.