LALAKI NAKUHAAN SANG 88K NGA BALOR SANG SUSPECTED SHABU SA SILAY CITY

Share on facebook
Share on google
Share on pinterest
Share on twitter
Share on print

Naglab ot sa 88, 400 pesos nga balor sg ginasuspetsuhan shabu ang nakuha sa isa ka Street Level Individual sa buybust operation nga ginpatigayon sg Silay City PNP las 12:30 sang udto, Nobyembre 25 sa Mainuswagon, Barangay Rizal, syudad sang Silay.

Ang nadakpan ang ginkilala kay Jayger Camaria, 21 anyos ang edad kag residente sg Brgy Lantad sa amo man nga syudad.

Nakuha kay Camaria ang 14 tanan ka heat sealed transparent plastic sachets sg ginasuspetsuhan shabu kag iban pa nga drug paraphernalia’s. Priso karon sa custodial facility sang Silay PNP si Camaria. | Aksyon Eden Aboso

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.